আজি পোৱা যাব ৰোহিত-কোহলীৰ ভৱিষ্যতৰ বাৰ্তা

দুয়োকে এতিয়া কেৱল এদিনীয়া ফৰ্মেটতহে দেখা পোৱা যায়। কিন্তু এই ফৰ্মেটৰ পৰাও তেওঁলোকৰ অৱসৰক লৈ যথেষ্ট চৰ্চা পৰিলক্ষিত হৈছে।

চেম্পিয়নছ ট্ৰফীৰ পিছৰে পৰা যোৱা প্ৰায় ৭ মাহ ভাৰতীয় দলৰ পৰা আঁতৰি থকা কোহলী আৰু ৰোহিতে এতিয়া প্ৰত্যাৱৰ্তন ঘটাব বুলি আশা কৰা হৈছে।

আগন্তুক অষ্ট্ৰেলিয়া ভ্ৰমণৰ বাবে আজি ভাৰতীয় দল ঘোষণা কৰা হ’ব। দলত ৰোহিত-কোহলীক স্থান দিয়া হ’ব বুলি সকলোৱে আশা কৰিছে।

এই শৃংখলা দুয়োৰে অন্তিম শৃংখলা হ’ব পাৰে বুলি চৰ্চা চলা দেখা গৈছিল। এতিয়া আজি ঘোষণা কৰিব লগা দলত তেওঁলোকে স্থান পায়নে সেয়া চাবলগা হ’ব।