বাৰে বাৰে জিভা শুকাই যোৱাৰ কাৰণ কি ?

যদি মুখৰ ভিতৰৰ লালটি গ্ৰন্থিবোৰে পৰ্যাপ্ত পৰিমাণৰ লালটি উৎপাদন কৰিব নোৱাৰে তেন্তে জিভাই শুকাই যোৱা সমস্যা হ’ব পাৰে ।

শৰীৰত পানীৰ অভাৱ হ’লে অৰ্থাৎ ডিহাইড্ৰেচনৰ সমস্যা হ’লে বাৰে বাবে জিভা শুকাই যাব পাৰে। ভাইৰেল জ্বৰ, ডায়েৰিয়াতো এই সমস্যা হয়।

বিভিন্ন ঔষধৰ পাৰ্শ্বক্ৰিয়া হিচাপে জিভা শুকাই যাব পাৰে। চৰ্দি, কাহ, ৰক্তচাপ হ্ৰাস কৰাৰ ঔষধ বেছিকৈ গ্ৰহণ কৰিলে এই সমস্যা হ’ব পাৰে।

চিকিৎসকে কয় যে, মগজুৰ ষ্ট্ৰোকৰ আগতে বহু লোকৰ মুখ আৰু জিভা শুকান হোৱাৰ লক্ষণ দেখা দিয়ে। অত্যধিক ধূমপান কৰিলেও এই সমস্যা হ’ব পাৰে।

যদি জিভা অনবৰতে শুকান হৈ থাকে, লগতে ওঁঠৰ কোণত ঘাঁ, ওঁঠ ফাটি যোৱা, জিভাত ফোঁহা ওলোৱা আদি লক্ষণ দেখা দিয়ে তেন্তে চিকিৎসকৰ পৰামৰ্শ লওক।