মহিলাৰ প্ৰস্ৰাৱ সংক্ৰমণ কিয় হয় ? কেনেকৈ প্ৰতিৰোধ কৰিব?

মহিলাৰ মূত্ৰনলী চুটি হয়, যাৰ ফলত বেক্টেৰিয়া সোনকালে মূত্ৰাশয়ত উপস্থিত হয়। গতিকে পুৰুষতকৈ মহিলাৰ ইউটিআইৰ আশংকা বেছি।

শৌচাগাৰ ব্যৱহাৰ কৰাৰ পিছত ভালকৈ চাফা নকৰা,লেতেৰা বা ভিজা আণ্ডাৰগাৰ্মেণ্ট পিন্ধা বা প্ৰস্ৰাৱ বহু সময় ধৰি ৰখাৰ ফলত এই সমস্যা হ'ব পাৰে।

ইয়াৰ লক্ষণবোৰৰ ভিতৰত সঘনাই প্ৰস্ৰাৱ লগা, প্ৰস্ৰাৱ জ্বলা-পোৰা বা তীব্ৰ বিষ অনুভৱৰ লগতে প্ৰস্ৰাৱৰ অস্বাভাৱিক গোন্ধ ওলাব পাৰে।

ইয়াৰ লগতে প্ৰস্ৰাৱৰ লগত তেজ যাব পাৰে। একেদৰে পেটৰ তলৰ অংশত বিষ আৰু ভাগৰুৱা আৰু মৃদু জ্বৰ হোৱাটো প্ৰস্ৰাৱ সংক্ৰমণৰ লক্ষণ।

মহিলাসকলে প্ৰতিৰোধ হিচাপে পৰিষ্কাৰ-পৰিচ্ছন্নতাৰ যত্ন লোৱা, পৰ্যাপ্ত পৰিমাণৰ পানী খোৱা, কেতিয়াও প্ৰস্ৰাৱ বন্ধ কৰি ৰাখিব নালাগে।

যদি ওপৰত উল্লেখ কৰা লক্ষণসমূহ ১-২ দিনতকৈ অধিক সময় ধৰি থাকে তেন্তে তৎক্ষণাত চিকিৎসকৰ সৈতে যোগাযোগ কৰক।