স্বাধীনতা যুঁজৰ ইতিহাসৰ সৈতে জড়িত অসমৰ কিছু তথ্য

কাইলৈ দেশে উদযাপন কৰিব ৭৯ সংখ্যক স্বাধীনতা দিৱস। দেশৰ লগতে অসমৰো সৰ্বপ্ৰান্তত উদযাপন কৰা হ’ব এই মহৎ দিনটো।

দেশজুৰি হোৱা স্বাধীনতাৰ যুঁজত অসমে পালন কৰিছিল গুৰুত্বপূৰ্ণ ভূমিকা। অসমৰো অলেখ লোকে দেশৰ হকে প্ৰাণ আহুতি দিছিল।

১৮২৬ চনৰ ২৪ ফেব্ৰুৱাৰীত হোৱা ইয়াণ্ডাবু সন্ধিৰ ফলস্বৰূপে অসমৰ শাসনভাৰ ব্ৰিটিছৰ অধীনলৈ আহিছিল। ইয়াৰ পিছতে সৃষ্টি হৈছিল নতুন ইতিহাস।

১৮৬১ চনৰ ১৮ অক্টোবৰত নগাঁও জিলাৰ কলং নৈৰ পাৰৰ ফুলগুৰিত ফুলগুৰি ধেৱা হিচাপে প্ৰখ্যাত ঐতিহাসিক কৃষক বিদ্ৰোহ সংঘটিত হৈছিল।

১৮৯৪ চনৰ ২৮ জানুৱাৰীত দৰং জিলাৰ পথৰুঘাটত মাটিৰ খাজনা বৃদ্ধিৰ বিৰুদ্ধে প্ৰতিবাদ কৰাৰ সময়তে কৃষকসকলৰ ওপৰত গুলিচালনা কৰে কিন্তু ব্ৰিটিছ শাসকে।

মহাত্মা গান্ধী প্ৰথমবাৰৰ বাবে ১৯২১ চনত অসমলৈ আহিছিল। অসম প্ৰদেশ কংগ্ৰেছ কমিটিয়ে তেওঁক অসহযোগ আন্দোলনৰ সন্দৰ্ভত বক্তৃতা দিবলৈ আমন্ত্ৰণ জনাইছিল।