December 17, 2025
TV9 ASSAM
নিম পাতৰ বহু উপকাৰিতাৰ বিষয়ে নতুনকৈ কোৱা প্ৰয়োজন নাই। খোৱাৰ উপৰিও নিম পাত দৈনন্দিন জীৱনত বহু দিশত ব্যৱহাৰ কৰিব পাৰি।
নিমৰ পাত থেতেলিয়াই বা শুকুৱাই গুড়ি কৰি ফেচ পেক বনাব পাৰি। ব্ৰণ, ফোঁহা আৰু অন্যান্য ছালৰ সমস্যা কমোৱাত ই সহায় কৰিব পাৰে।
নিমৰ পাত পানীত সিজাই ঠাণ্ডা কৰি সেই পানী চুলি ধুবলৈ ব্যৱহাৰ কৰা হয়। উফি আঁতৰোৱা, মূৰৰ ছাল পৰিষ্কাৰ কৰি ৰখা, আনকি ওকণিৰ সমস্যাও দূৰ কৰাত ই ফলপ্ৰসূ।
নিম পাতৰ ৰস প্ৰাকৃতিক কীটনাশক হিচাপেও ব্যৱহাৰ কৰিব পাৰি। শুকান নিমৰ পাত ঘৰৰ চুকত ৰাখিলে পোক-পৰুৱাবোৰ আঁতৰত থাকে।
কটা বা সৰু সৰু ঘাঁত নিমৰ পাত লগালে সোনকালে শুকাই যায়। ইয়াৰ উপৰিও সংক্ৰমণ ৰোধ কৰে।
দাঁত ব্ৰাছ কৰাৰ বাবে নিম পাত ব্যৱহাৰ কৰিব পাৰি। ই আলুৰ প্ৰদাহ কমোৱাত সহায় কৰে, মুখৰ বেক্টেৰিয়া নাইকিয়া কৰে।
ঘৰুৱা ঔষধ হিচাপে ডিঙিৰ বিষ বা কাহ হ’লে নিম পাতৰ ৰস অলপ গৰম পানী বা মৌৰ লগত মিহলাই খাব পাৰে। অৱশ্যে চিকিৎসকৰ পৰামৰ্শ লোৱাৰ পিছত এই কাম কৰিব লাগে।
পঢ়িবলৈ ক্লিক কৰক