TV9 ASSAM
মুখৰ স্বাস্থ্যৰ যত্ন লোৱাটো অতি গুৰুত্বপূৰ্ণ। প্ৰায়ে দাঁতত টাৰটাৰ জমা হয়। সেয়েহে দন্ত চিকিৎসকে শুদ্ধ নিয়ম অনুসৰি মুখ পৰিষ্কাৰ কৰাৰ পৰামৰ্শ দিয়ে।
টাৰটাৰ হৈছে কেলচিয়াম আৰু ফছফৰাছ খনিজ পদাৰ্থৰে তৈয়াৰী কঠিন হালধীয়া বা বাদামী ৰঙৰ আৱৰণ যি আপোনাৰ দাঁতত জমা হয়।
এই ধৰণৰ মলি কেনেদৰে আঁতৰাব ? এই ঘৰুৱা উপায়ে দাঁতৰ পৰা মলি বা টাৰটাৰ আঁতৰোৱাত সহায় কৰিব পাৰে।
এচামুচ বেকিং ছ’ডা, অলপ টুথপেষ্ট আৰু অলপ নিমখ মিহলাই টুথব্ৰাছত লগাই দাঁত ব্ৰাছ কৰক। ইয়াৰ পিছত কুহুমীয়া পানীৰে মুখখন ধুব।
মধুৰি বা ইয়াৰ পাত প্ৰতিদিনে ভালদৰে চোবাই পেলাই দিব। ই দাঁত পৰিষ্কাৰ কৰাত সহায় কৰিব পাৰে।
বগা ভিনেগাৰ আৰু নিমখ মিহলাই এই মিশ্ৰণেৰে মুখ ধুব পাৰে। ই দাঁতত জমা হোৱা টাৰটাৰ আঁতৰোৱাত ফলপ্ৰসূ হ’ব পাৰে।
সতেজ কমলাৰ বাকলিৰে দাঁত ঘঁহিব পাৰে। ই আপোনাৰ দাঁত পৰিষ্কাৰ কৰাত সহায় কৰিব পাৰে।