যকৃত বিকল হ'লে কি কি লক্ষণে দেখা দিয়ে জানেনে? 

যকৃত বিকল হ'লে বিভিন্ন লক্ষণে দেখা দিয়ে। এনে সময়ত ৰোগীয়ে বহু সমস্যাৰ সন্মুখীন হয়। যকৃত বিকল হোৱা ৰোগীৰ দেহ কিছুদিনৰ ভিতৰতে দুৰ্বল হৈ পৰে।

যকৃত বিকল হোৱা ৰোগীসকলে প্ৰায়ে ভাগৰুৱা আৰু দুৰ্বল অনুভৱ কৰে। কোনো কাৰণ নোহোৱাকৈ ভাগৰু আৰু দুৰ্বল লাগিলে চিকিৎসকৰ পৰামৰ্শ গ্ৰহণ কৰিব লাগে।

যকৃত বিকল হোৱা ৰোগীৰ পেটৰ ওপৰৰ অংশৰ সোঁফালে বিষ হয়। কিবা বস্তুৱে ভিতৰত টানি ধৰাৰ দৰে লাগে। এই বিষ কেতিয়াবা অতি তীব্ৰ হয়।

পেটত তৰল পদাৰ্থ জমা হোৱাৰ ফলত পেট ফুলিব পাৰে। ইয়াৰ বাবে এচিডিটিৰ সমস্যা বৃদ্ধি হয়। বিভিন্ন সময়ত ৰোগীয়ে পেট ফুলা অনুভৱ কৰি থাকে।

যকৃত বিকল হোৱা ৰোগীৰ বমি আহিব পাৰে। যকৃত বিকল হোৱাৰ পাছত বমি হোৱা সাধাৰণ কথা।  ইয়াৰোপৰি শৰীৰত এক অশান্তিৰ ভাৱ অনুভৱ হ'ব পাৰে।