30 JUNE 2025
TV9 ASSAM
যকৃত হৈছে শৰীৰৰ আটাইতকৈ গুৰুত্বপূৰ্ণ অংগ, যিয়ে তেজ পৰিষ্কাৰ কৰাৰ কাম কৰে, পাচনত সহায় কৰে আৰু বিষাক্ত উপাদানসমূহ আঁতৰাই পেলায়। যেতিয়া লিভাৰে সঠিকভাৱে কাম নকৰে তেতিয়া শৰীৰত বহু ধৰণৰ সমস্যা দেখা দিবলৈ আৰম্ভ কৰে।
ডাঃ অনিল অৰোৰাই কয় যে লিভাৰ ডিছঅৰ্ডাৰৰ ফলত পেটত ফুলি উঠিব পাৰে, যাৰ বাবে পেটৰ বিষ আৰু গধুৰতা অনুভৱ কৰিব পাৰি। ইয়াৰ বাহিৰেও ভোক কমি যোৱা, বমি আৰু বদহজম আদি সমস্যাৰ সৃষ্টি হ’ব পাৰে।
যকৃতৰ কাম সঠিকভাৱে নহ’লে শৰীৰত বিষাক্ত পদাৰ্থ জমা হ’বলৈ আৰম্ভ কৰে। ইয়াৰ বাবে ক্লান্তি আৰু দুৰ্বলতা অনুভৱ হয়।
লিভাৰ ডিছঅৰ্ডাৰৰ বাবে বিলিৰুবিনৰ মাত্ৰা বৃদ্ধি পায়। ইয়াৰ কাৰণে ছাল আৰু চকু হালধীয়া দেখাবলৈ আৰম্ভ কৰে।
লিভাৰ ডিছঅৰ্ডাৰৰ বাবে বিষাক্ত পদাৰ্থ ফিল্টাৰ নহয়। ইয়াৰ ফলত ছালত খজুৱতি আৰু ফোহা ওলাব পাৰে।
যকৃতৰ ক্ষতি হ’লে প্ৰস্ৰাৱৰ ৰং স্বাভাৱিকতকৈ ক’লা, হালধীয়া বা বাদামী হ’ব পাৰে। ইয়াৰ কাৰণো বিলিৰুবিন বৃদ্ধি। যদি অধিক পানী খোৱাৰ পিছতো প্ৰস্ৰাৱৰ ৰং স্বাভাৱিক নহয়, তেন্তে লিভাৰ পৰীক্ষা কৰাব লাগে।
যকৃতে যেতিয়া প্ৰ’টিন সঠিকভাৱে সংশ্লেষণ কৰিব নোৱাৰে তেতিয়া শৰীৰত তৰল পদাৰ্থ জমা হ’বলৈ আৰম্ভ কৰে। ইয়াৰ প্ৰভাৱ ভৰি আৰু মুখ ফুলা দেখা যায়। এইটো লিভাৰ চিৰ’ছিছ বা হেপাটাইটিছৰ লক্ষণ হ’ব পাৰে।
চাবলৈ ক্লিক কৰক