বৃক্ক বিকল হ'লে প্ৰস্ৰাৱত দেখা দিয়ে এইসমূহ লক্ষণ

আমাৰ শৰীৰক সুস্থ কৰি ৰখাত বৃক্ক অন্যতম গুৰুত্বপূৰ্ণ অংগ। ইহঁতে শৰীৰৰ পৰা বিষাক্ত পদাৰ্থ আৰু পেলনীয়া পদাৰ্থ আঁতৰাই পেলায়।

যেতিয়া বৃক্কৰ কাৰ্যক্ষমতা হ্ৰাস পাবলৈ ধৰে তেতিয়া শৰীৰে কিছুমান আগতীয়া সংকেত দিয়ে যিবোৰ মানুহে প্ৰায়ে আওকাণ কৰে।

প্ৰস্ৰাৱত বৃক্ক বিকল হোৱাৰ প্ৰাৰম্ভিক লক্ষণ দেখা দিয়ে। প্ৰস্ৰাৱৰ পৰিমাণৰ হঠাৎ পৰিৱৰ্তন হ’লে সতৰ্কবাণী হ’ব পাৰে।

যদি প্ৰস্ৰাৱ ফেনযুক্ত হয় বা তাত তেজ ওলায় তেন্তে বৃক্ক সঠিকভাৱে পৰিশোধন নকৰাৰ গুৰুতৰ লক্ষণ।

যেতিয়া বৃক্কে ছডিয়াম আৰু পানী সঠিকভাৱে নিষ্কাশন কৰিব নোৱাৰে তেতিয়া ইয়াৰ ফলত মুখ, ভৰিৰ গোৰোহা, ভৰি ফুলি উঠে।

বৃক্ক বিকল হোৱাৰ আন লক্ষণসমূহ হ’ল- ভোক কমি যোৱা, বমি হোৱা, উশাহ-নিশাহ লোৱাত অসুবিধা, খজুৱতি, ছাল শুকান হোৱা আদি।