ভাৰতীয় দলৰ অধিনায়ক হিচাপে পূৰ্বে কেনে অভিলেখ ৰাহুলৰ?

দক্ষিণ আফ্ৰিকাৰ বিপক্ষে টেষ্ট শৃংখলাত শোচনীয়ভাৱে হোৱাইট ৱাশ্ব হ’ল ভাৰতীয় দল। টেষ্টৰ পিছত এতিয়া দুয়ো দলৰ মাজত এদিনীয়া শৃংখলা অনুষ্ঠিত হ’ব।

ভাৰত আৰু দক্ষিণ আফ্ৰিকাৰ মাজত তিনিখন মেচৰ এদিনীয়া শৃংখলা ৩০ নৱেম্বৰৰ পৰা আৰম্ভ হ’ব। শৃংখলাৰ প্ৰথমখন মেচ ৰাঁচীত অনুষ্ঠিত হ’ব।

এই শৃংখলাত ভাৰতীয় দলক নেতৃত্ব দিব কে এল ৰাহুলে। আঘাতৰ বাবে এই শৃংখলাৰ পৰা বাহিৰ হোৱা শুভমন গিলৰ স্থানত ৰাহুলক অধিনায়ক হিচাপে নিযুক্তি দিয়া হৈছে।

অৱশ্যে প্ৰথমবাৰৰ বাবে ৰাহুলে অধিনায়কৰ দায়িত্ব লাভ কৰা নাই। ইয়াৰ পূৰ্বেও তেওঁ এদিনীয়াত ভাৰতীয় দলক নেতৃত্ব দিছে। এই সময়ছোৱাত তেওঁৰ অভিলেখো উন্নত।

কে এল ৰাহুলৰ নেতৃত্বত ভাৰতীয় দলে এইপৰ্যন্ত ১২খন এদিনীয়া মেচ খেলিছে। এই সময়ছোৱাত ভাৰতে ৮ খন মেচত জয় আৰু ৪ খনত পৰাস্ত হৈছে।

কে এল ৰাহুলে অন্তিমবাৰৰ বাবে ২০২৩ চনত দক্ষিণ আফ্ৰিকাৰ বিৰুদ্ধে এদিনীয়াত নেতৃত্ব দিছিল। শৃংখলাত ভাৰতীয় দল ২-১ ব্যৱধানত জয়ী হৈছিল।