কেঁচা অমিতাই বিপদত পেলাব পাৰে এইসকল লোকক

কেঁচা অমিতা স্বাস্থ্যৰ বাবে উপকাৰী হ’লেও কিছুমান বিশেষ স্বাস্থ্যজনিত সমস্যা থকা লোকৰ বাবে ই বিপদজনক হ’ব পাৰে। জানক এইবিষয়ে।

নিম্ন ৰক্তচাপৰ সমস্যা থকা সকলে কেঁচা অমিতা সাৱধানে খোৱা উচিত। ই ৰক্তবাহী নলী শিথিল কৰি ৰক্তচাপ অধিক হ্ৰাস কৰিব পাৰে, ফলত মূৰ ঘূৰোৱা বা দুৰ্বলতা হ’ব পাৰে।

যিসকল লোকৰ লেটেক্স বা পেপেইন এনজাইমৰ প্ৰতি এলাৰ্জি আছে, তেওঁলোকে কেঁচা অমিতা ত্যাগ কৰা উচিত। নহ’লে ছালত ফোহা, খজুৱতি বা উশাহৰ কষ্ট হ’ব পাৰে।

কেঁচা অমিতাই তেজ পাতল কৰিব পাৰে। সেয়েহে, যিকোনো অস্ত্ৰোপচাৰৰ পাছত কেঁচা অমিতা খালে ৰক্তক্ষৰণৰ সম্ভাৱনা বৃদ্ধি পায় আৰু ঘা শুকুৱাত পলম হয়।

তদুপৰি গৰ্ভাৱস্থাত কেঁচা অমিতা খোৱাটো একেবাৰে অনুচিত। ইয়াত থকা অত্যধিক লেটেক্স আৰু পেপেইনে জৰায়ুৰ সংকোচন ঘটাই গৰ্ভপাতৰ আশংকা বৃদ্ধি কৰিব পাৰে।

লগতে কেঁচা অমিতাই হৰমনৰ ভাৰসাম্যহীনতাৰ সৃষ্টি কৰিব পাৰে। ইয়াৰ লেটেক্স মৌলই গাখীৰৰ জৰিয়তে কেঁচুৱাৰ দেহত এলাৰ্জীৰ সৃষ্টি কৰাৰ সম্ভাৱনা থাকে।