এনে খাদ্যবস্তুৰ সৈতে দৈ খোৱাৰ ভুল নকৰিব কেতিয়াও

প্ৰটিন, কেলচিয়াম, ভিটামিন এ, বি ৬, বি১২, লেক্টিক এচিড, ফছফৰাছ, জিংক আদি পুষ্টিকৰ উপাদানেৰে সমৃদ্ধ দৈ দেহৰ বাবে অতি উপকাৰী।

দৈয়ে আন্ত্ৰিক স্বাস্থ্য অটুট ৰাখি পাচনত সহায় কৰে। লগতে চুলি আৰু ছালৰ ক্ষেত্ৰতো দৈৰ আছে উপকাৰী গুণ। কিন্তু কিছুমান বস্তুৰ সৈতে দৈ খাব নালাগে।

অধিক তেলত ভজা খাদ্যৰ সৈতে কেতিয়াও দৈ নাখাব। অন্যথা হজম শক্তিৰ ক্ষেত্ৰত সমস্যাৰ সৃষ্টি হ’ব পাৰে আৰু গেছ, বদহজম আদি পেটৰ সমস্যা হ’ব পাৰে।

পৰাপক্ষত নিশা দৈ খাব নালাগে। অন্যথা কফৰ সমস্যা হ’ব পাৰে। হজম শক্তি দুৰ্বল হ’লেও নিশা দৈ খাব নালাগে। পুৱা ব্ৰেকফাষ্টত বা দুপৰীয়া দৈ খোৱাৰ উত্তম সময়।