কোনে কফি খাব নালাগে, কি কয় বিশেষজ্ঞই

বহু মানুহৰ কফি প্ৰিয়। ঠাণ্ডা হওক বা গৰম, একাংশই সকলো সময়তে কফি খোৱা পচন্দ কৰে। কিছুমানৰ একাপ কফি খোৱাৰ পাছতহে দিনৰ আৰম্ভণি হয়।

যিসকলৰ অনিদ্ৰা, মানসিক চাপ, উচ্চ ৰক্ত চাপ, হৃদয় বা পেটৰ সমস্যা আছে সেইসকলে কফি খাব নালাগে। হতাশাত ভুগি থকা সকলেও খাব নালাগে।

বিশেষজ্ঞৰ মতে গৰ্ভৱতী আৰু স্তনপান কৰোৱা মহিলাসকলে কফি বেছি খাব নালাগে। কিয়নো অত্যাধিক কফি খোৱাৰ প্ৰভাৱ শিশুৰ ওপৰত পৰে।

কেফেন বেছি খোৱা বেয়া। যাৰ কেফেনৰ পৰা সমস্যা আছে সেইসকলে কফি খাব নালাগে। ইয়াৰ ফলত ডিপ্ৰেশ্যনৰ সমস্যা আহিব পাৰে।

যদি আপোনাৰ স্বাস্থ্যজনিত সমস্যা আছে তেন্তে কফি বেছি নাখাব। যিসকলৰ স্বাস্থ্যজনিত সমস্যা নাই সেইসকলে প্ৰতিদিনে ১ বা ২ কাপ কফি খাব পাৰে।