22 JUNE 2025
TV9 ASSAM
আজিৰে পৰা আৰম্ভ অম্বুবাচীৰ মহাযোগ। অম্বুবাচী হিন্দুসকলৰ বাৰ্ষিক উৎসৱ। জনবিশ্বাস অনুসৰি আহাৰ মাহৰ ৭ তাৰিখে মৃগশিৰা নক্ষত্ৰৰ ৩ পদ সম্পূৰ্ণ হ’লে পৃথিৱী বা ধৰিত্ৰী মাৰ ঋতুস্ৰাৱ হয়। তাৰ পিছত অম্বুবাচী পালন কৰা হয়। ইয়াৰ লগত বহুতো ৰীতি-নীতি জড়িত হৈ আছে।
অম্বুবাচীৰ সময়ত বহুতে কিছুমান বিশেষ ৰীতি-নীতি পালন কৰা হয়। আৰু এই সময়ছোৱাত কেইবাটাও কাম কৰাৰ পৰা বিৰত থাকিব লগা হয়। অম্বুবাচী পালনৰ মূল কাৰণ হ’ল বিশ্বাস অনুসৰি এই সময়ছোৱাত কামাখ্যা দেৱীৰ ঋতুস্ৰাৱ হয়।
গতিকে এই সময়ক পবিত্ৰ আৰু অশুদ্ধ দুয়োটা হিচাপে লোৱা হয়। এই সময়ছোৱাত বিশেষকৈ বৈবাহিক, সন্ন্যাসী, যোগী আৰু বিধৱাসকলে কিছুমান বিশেষ নিয়ম পালন কৰে।
এই সময়ত অম্বুবাচীৰ ব্ৰত পালন কৰাসকলে জুইত ৰন্ধা কোনো খাদ্য নাখায়। তিনিদিন ফল-মূল খাই কটায়।
মন কৰিবলগীয়া যে এই উৎসৱক মূলতঃ নাৰী আৰু প্ৰকৃতিৰ উৰ্বৰতাৰ প্ৰতীক হিচাপে গণ্য কৰা হয়। ফলত এই সময়ত কেইবাটাও বিশেষ ৰীতি-নীতি আৰু নিয়ম পালন কৰা হয়।
অম্বুবাচী ধৰ্মীয় অনুষ্ঠান যদিও প্ৰাচীন কৃষি ব্যৱস্থাও অম্বুবাচীৰ লগত জড়িত। গতিকে এই ধৰ্মীয় অনুষ্ঠানৰ সামাজিক ব্যাখ্যাও আছে। অম্বুবাচীও এক গভীৰ কৃষিভিত্তিক অনুষ্ঠান।
এই সময়ত বহুতে বিশ্বাস কৰে যে যেনেকৈ মহিলাসকলে ঋতুস্ৰাৱ হোৱাৰ পিছত গৰ্ভধাৰণ কৰিবলৈ সক্ষম হয়, সেইদৰে অম্বুবাচীৰ পিছৰ সময়খিনিও শস্য খেতিৰ বাবে উত্তম।
চাবলৈ ক্লিক কৰক