শাওনৰ প্ৰথম সোমবাৰে এইদৰে শিৱক পূজা কৰক, সকলো ইচ্ছা পূৰণ হ’ব!

শাওন মাহটো দেৱতাৰ দেৱতা মহাদেৱৰ নামত উচৰ্গা কৰা হয়। এইবাৰ ১৮ জুলাইৰ পৰা আৰম্ভ হৈছে আৰু ১৭ আগষ্টলৈকে চলিব। এই মাহটো শিৱভক্তসকলৰ বাবে অতি গুৰুত্বপূৰ্ণ, বিশেষকৈ ইয়াৰ সোমবাৰকেইটা। শাওনৰ প্ৰথম সোমবাৰ ২১ জুলাইত পৰিছে, যিটো ভগৱান শিৱৰ বিশেষ আশীৰ্বাদ লাভৰ বাবে অতি শুভ বুলি গণ্য কৰা হয়। শাওনৰ সোমবাৰে পূৰ্ণ ভক্তি আৰু বিশ্বাসেৰে পূজা কৰা ভক্তসকলৰ সকলো ইচ্ছা পূৰণ হয় বুলি বিশ্বাস কৰা হয়। শাওনত কৰা পূজাৰ দ্বাৰা ভগৱান শিৱই নিজৰ ভক্তসকলৰ কষ্ট দূৰ কৰি সুখ আৰু সমৃদ্ধিৰ আশীৰ্বাদ দিয়ে।

শাওন ২০২৫ কেতিয়া?

পঞ্চাঙৰ তথ্য অনুসৰি এইবাৰ ২০২৫ চনৰ ১১ জুলাই অৰ্থাৎ শুকুৰবাৰৰ পৰা আৰম্ভ হোৱা শ্ৰাৱণ মাহ ২০২৫ চনৰ ৯ আগষ্ট অৰ্থাৎ শনিবাৰে শেষ হ’ব। ইফালে অসমীয়া কেলেণ্ডাৰ অনুসৰি এইবাৰ শাওন মাহ ১৮ জুলাইৰ পৰা আৰম্ভ হৈছে আৰু ১৭ আগষ্টলৈকে চলিব।

শাওন প্ৰথম সোমবাৰে গ্ৰহণ কৰিবলগীয়া কিছু বিশেষ প্ৰতিকাৰ

শিৱলিংগত জলাভিষেক আৰু ৰুদ্ৰভিষেক

শাওনৰ প্ৰথম সোমবাৰে সূৰ্য উদয়ৰ আগতে উঠি গা ধুই পৰিষ্কাৰ কাপোৰ পিন্ধিব। ইয়াৰ পিছত শিৱ মন্দিৰলৈ গৈ বিশুদ্ধ পানী, গংগাজল আৰু গাখীৰ দি শিৱলিংগত অভিষেক কৰিব। সম্ভৱ হ’লে ৰুদ্ৰভিষেক পাঠ কৰক। ইয়াৰ ফলত ভগৱান শিৱ অতি সুখী হয় আৰু আপোনাৰ সকলো বাধা দূৰ হয়।

বেলপাত, ধতুৰা আৰু আক ফুল আগবঢ়াওক

ভগৱান শিৱ বেলপাত, ধতুৰা আৰু আক ফুলৰ প্ৰতি অতি আকৰ্ষিত। শাওনৰ প্ৰথম সোমবাৰে শিৱলিংগত কমেও ১১ টা বেলপাত আগবঢ়াব। প্ৰতিটো বেলপাতত ‘ওম নম শিৱায়’ লিখক। ইয়াৰ উপৰিও ধতুৰা, ভাং, শমি পাত আৰু বগা অক ফুলো আগবঢ়াব।

চন্দন আৰু ভষ্ম তিলক লগাব

শিৱলিংগত চন্দনৰ ফোট লগাই ভগৱান শিৱক ভষ্ম অৰ্পণ কৰক। এই প্ৰতিকাৰে ঋণাত্মক শক্তি আঁতৰাই ধনাত্মকতা আনে।

শিৱ চালিছা আৰু মহামৃত্যুঞ্জয় মন্ত্ৰ পাঠ কৰক

শাওনৰ প্ৰথম সোমবাৰে গোটেই দিনটো ‘ওম নম শিৱায়’ মন্ত্ৰ জপ কৰক। ইয়াৰ লগতে শিৱ চালিছা আৰু মহামৃত্যুঞ্জয় মন্ত্ৰ পাঠ কৰাটোও অতি শুভ বুলি গণ্য কৰা হয়। মহামৃত্যুঞ্জয় মন্ত্ৰ জপ কৰিলে গুৰুতৰ ৰোগৰ পৰা পৰিত্ৰাণ পোৱাত আৰু অকাল মৃত্যুৰ ভয়ৰ পৰা মুক্তি পোৱাত সহায় কৰে।

চাকি জ্বলাব

শিৱ মন্দিৰত বা আপোনাৰ ঘৰৰ পূজাস্থলীত সন্ধিয়া গৰু গাখীৰৰ ঘিউৰ চাকি জ্বলাই দিব। ইয়াৰ ফলত ঘৰত সুখ আৰু সমৃদ্ধি পোৱা যায় আৰু বাস্তুৰ দোষ দূৰ হয়।

ব্ৰত অনুসৰণ কৰক

শাওন সোমবাৰে যদি ব্ৰত ৰাখে তেন্তে এই দিনটোত খাদ্য নাখাব। কেৱল ফলমূল, গাখীৰ আৰু সাত্ত্বিক খাদ্যহে সেৱন কৰক। উপবাসে শৰীৰ আৰু মন পবিত্ৰ কৰে, আৰু আপুনি ভগৱান শিৱৰ বিশেষ আশীৰ্বাদ লাভ কৰে।

দুখীয়াক দান কৰক

শাওনৰ প্ৰথম সোমবাৰে নিজৰ সামৰ্থ অনুযায়ী দুখীয়া আৰু আৰ্তজনক খাদ্য, কাপোৰ বা ধন দান কৰক। দান কৰি ভগৱান শিৱ সন্তুষ্ট হয় আৰু আপোনাৰ জীৱনলৈ সুখ আহে।

প্ৰদোষ কালত পূজা

প্ৰদোষ কাল (সূৰ্যাস্তৰ সময়ত) ভগৱান শিৱৰ পূজাৰ বাবে অতি শুভ বুলি গণ্য কৰা হয়। শাওনৰ প্ৰথম সোমবাৰে প্ৰদোষ কালত শিৱলিংগত পানী আগবঢ়াওক আৰু শিৱমন্ত্ৰ জপ কৰক।

(অস্বীকাৰ: ইয়াত দিয়া তথ্য ধৰ্মীয় বিশ্বাসৰ ওপৰত ভিত্তি কৰি কৰা হৈছে। TV9 অসমে নিশ্চিত নকৰে।)