Singer Palak Muchhal: গিনিজ বুক অৱ ৰেকৰ্ডত নাম অন্তৰ্ভুক্ত কণ্ঠশিল্পী পলকৰ, ৩৮০০ৰো অধিক শিশুৰ কৰিছে হৃদযন্ত্ৰৰ অস্ত্ৰোপচাৰ
Palak Muchhal News: কণ্ঠশিল্পী পলক মুছহালে নিজৰ উপাৰ্জনেৰে অধিকাংশ শিশুৰ হৃদযন্ত্ৰৰ অস্ত্ৰোপচাৰৰ বাবে দান কৰে। ষ্টেজ শ্ব’ৰ সকলো উপাৰ্জন কণ্ঠশিল্পীগৰাকী কণমানিসকলৰ জীৱন দানৰ বাবে উচৰ্গা কৰে। শেহতীয়াকৈ পলকৰ নাম গিনিজ বুক অৱ ৱৰ্ল্ড ৰেকৰ্ডত অন্তৰ্ভুক্ত হৈছে। এতিয়ালৈকে ৩৮০০ৰো অধিক শিশুৰ হৃদযন্ত্ৰৰ অস্ত্ৰোপচাৰ কৰিছে।
Singer Palak Muchhal: কণ্ঠশিল্পী পলক মুছহাল কেৱল কণ্ঠৰ বাবেই নহয়, সমাজসেৱাৰ বাবে পৰিচিত। ইন্দোৰত জন্মগ্ৰহণ কৰা আৰু সুৰীয়া কণ্ঠ আৰু সংগীতৰ বাবে বিখ্যাত পলক মুছহালে এতিয়া গিনিজ বুক অৱ ৱৰ্ল্ড ৰেকৰ্ডছ আৰু লিমকা বুক অৱ ৰেকৰ্ডছত স্থান লাভ কৰিবলৈ সক্ষম হৈছে। কণ্ঠৰ বাবে নহয়, সমাজসেৱাৰ বাবেই এই গৌৰৱ অৰ্জন কৰিছে।
কণ্ঠশিল্পী পলকে পলাশ চেৰিটেবল ফাউণ্ডেশ্যনৰ জৰিয়তে ৩৮০০ৰো অধিক শিশুৰ হৃদযন্ত্ৰৰ অস্ত্ৰোপচাৰ কৰিছে। শৈশৱত ৰে’ল যাত্ৰাৰ সময়ত পলকে বাধাগ্ৰস্থ শিশুক লগ পাইছিল। সেই মুহূৰ্তটোৱে তেওঁৰ জীৱনটোক সলনি কৰি দিলে। সেইদিনা তেওঁ নিজকে মনে মনে প্ৰতিশ্ৰুতি দিলে, “মই সিহঁতক কেতিয়াবা নিশ্চয় সহায় কৰিম।” বছৰ বছৰ পিছত সেই প্ৰতিশ্ৰুতিয়েই তেওঁৰ সংস্থাটোৰ আঁৰৰ প্ৰেৰণা হৈ পৰিল, যিয়ে সংগীতৰ অনুষ্ঠানৰ পৰা পোৱা ধন আৰু নিজৰ সঞ্চয়ৰ ধন জীৱন ৰক্ষাকাৰী চিকিৎসা সেৱাৰ বাবে ব্যৱহাৰ কৰে।
সামাজিক কামৰ বাবে পালাকে ১০ লাখ টকা আগবঢ়ায়
শিশুৰ সৈতে পলকৰ এটা ভিডিঅ’ও ছ’চিয়েল মিডিয়াত ভাইৰেল হৈ পৰিছে। পলকে বছৰ বছৰ ধৰি কাৰ্গিল শ্বহীদৰ পৰিয়ালক সহায় কৰাৰ লগতে গুজৰাটৰ ভূমিকম্পত আক্ৰান্তৰ সাহায্যৰ বাবে ১০ লাখ টকা বৰঙণি আগবঢ়াইছে। সমাজ কল্যাণৰ প্ৰতি তেওঁ দায়বদ্ধতা প্ৰতিফলিত হয়।
পলকে নিজৰ কণ্ঠৰ জৰিয়তে তেওঁলোকক সহায় কৰে। প্ৰতিটো অস্ত্ৰোপচাৰ সম্পূৰ্ণ হোৱাৰ পিছত পলকে নিজৰ ওচৰত এটা পুতলা ৰাখে মৰমৰ চিন হিচাপে।
লিমকা বুক অৱ ৰেকৰ্ডছত অন্তৰ্ভুক্ত নাম
“মেৰী আশিকী”, “কোন তুঝে”, “প্ৰেম ৰতন ধন পায়ো” আদি গীতেৰে সংগীত জীৱনৰ উচ্চতাত উপনীত হোৱাৰ পিছতো পলকে নিজৰ উপাৰ্জন আৰু শক্তি নিজৰ ফাউণ্ডেশ্যনৰ বাবে উৎসৰ্গা কৰি থাকিল। লিমকা বুক অৱ ৰেকৰ্ডছতো তেওঁৰ নাম অন্তৰ্ভুক্ত কৰা হৈছে, যিটো তেওঁৰ পেছাদাৰী কৃতিত্বৰ লগতে মানৱীয় কামৰ প্ৰতি সমৰ্পণৰ প্ৰমাণ।