ফুটপাথৰ পৰা যুঁজি ইয়ালৈ আহিছোঁ…দাদাচাহেব ফাল্কে বঁটাৰ বাবে নিৰ্বাচিত হোৱাৰ পিছত এই মন্তব্য মিথুন চক্ৰৱৰ্তীৰ

কেন্দ্ৰীয় মন্ত্ৰী অশ্বিনী বৈষ্ণৱে সোমবাৰে ঘোষণা কৰে যে এইবাৰ কিংবদন্তি অভিনেতা মিথুন চক্ৰৱৰ্তীক দাদাচাহেব ফাল্কে বঁটা প্ৰদান কৰা হ’ব। এই ডাঙৰ সন্মানৰ বাবে নিৰ্বাচিত হোৱাৰ সন্দৰ্ভত মিথুন চক্ৰৱৰ্তীয়ে কয় যে মোৰ কোনো শব্দ নাই। তেওঁ ক’লে যে মই য’ৰ পৰা আহিছোঁ, মই এইটোও পাম বুলি কল্পনাও কৰিব পৰা নাছিলোঁ।

বঁটাৰ নাম ঘোষণা কৰাৰ সময়ত মিথুন চক্ৰৱৰ্তীয়ে কয়, ‘সঁচা কথা ক’বলৈ গ’লে মোৰ কোনো ভাষা নাই। মই হাঁহিম নে সুখেৰে কান্দিম। এইটো বৰ ডাঙৰ কথা। কলকাতাৰ এনে এটা স্থানৰ পৰা আহিছোঁ,যি আছিল অতি পিছপৰা। মই এই স্থানলৈ ফুটপাথৰ সৈতে যুঁজদি আহিছিলোঁ। সেই ল’ৰা বাবে এইটো ডাঙৰ সন্মান, মই সঁচাকৈয়ে ইয়াৰ বিষয়ে ভাবিবও নোৱাৰোঁ… মই কেৱল এয়াই ক’ব পাৰোঁ যে মই এইটো মোৰ পৰিয়াল আৰু সমগ্ৰ বিশ্বৰ অনুৰাগীসকলক উৎসৰ্গা কৰিছোঁ।

দাদাচাহেব ফাল্কে বঁটা

ভাৰতীয় চলচ্চিত্ৰৰ জনকৰূপে অভিহিত দাদাচাহেব ফাল্কেৰ স্মৃতি ৰক্ষাৰ্থে দাদাচাহেব ফাল্কে বঁটা প্ৰদান কৰা হয়। ভাৰতীয় চলচ্চিত্ৰৰ উৎকৰ্ষ আৰু বিকাশৰ হকে উল্লেখযোগ্য বৰঙনিৰ স্বীকৃতিৰূপে এই বঁটা প্ৰদান কৰা হয়। ভাৰতীয় চলচ্চিত্ৰৰ সৰ্বোচ্চ বঁটাৰূপে স্বীকৃত এই বঁটাৰ অৰ্থমূল্য দহ লাখ টকা। ইয়াৰ লগতে বিজয়ীজনক এখন প্ৰশক্তি পত্ৰ আৰু এখন আলোৱান প্ৰদান কৰা হয়।

কি ক’লে প্ৰধানমন্ত্ৰী মোদীয়ে?

মিথুনে বঁটা লাভ কৰাৰ ঘোষণা সন্দৰ্ভত প্ৰধানমন্ত্ৰী নৰেন্দ্ৰ মোদীয়ে কয়, “ভাৰতীয় চিনেমালৈ আগবঢ়োৱা অৱদানৰ বাবে মিথুন চক্ৰৱৰ্তীক দাদাচাহেব ফাল্কে বঁটাৰে সন্মানিত কৰাত মই সুখী।” প্ৰধানমন্ত্ৰী মোদীয়ে মিথুনক সাংস্কৃতিক আইকন বুলি অভিহিত কৰি কয় যে তেওঁৰ বহুমুখী অভিনয়ৰ বাবে প্ৰতিটো প্ৰজন্মই তেওঁক ভাল পায়। এইদৰে প্ৰধানমন্ত্ৰীয়ে তেওঁক অভিনন্দন জনায়।

Delighted that Shri Mithun Chakraborty Ji has been conferred the prestigious Dadasaheb Phalke Award, recognizing his unparalleled contributions to Indian cinema. He is a cultural icon, admired across generations for his versatile performances. Congratulations and best wishes to… https://t.co/aFpL2qMKlo

— Narendra Modi (@narendramodi) September 30, 2024

পুত্ৰ নমাশী চক্ৰৱৰ্তীয়ে কি ক’লে?

মিথুনৰ পুত্ৰ আৰু অভিনেতা নমাশী চক্ৰৱৰ্তীয়েও তেওঁৰ দেউতাকৰ বাবে সন্মান ঘোষণা কৰাত আনন্দ প্ৰকাশ কৰিছে। ইণ্ডিয়া টুডেৰ সৈতে বাৰ্তালাপ কৰি তেওঁ কয় যে, তেওঁৰ দেউতাক এজন নিজৰ কষ্টৰে হোৱা তাৰকা। “মই গৌৰৱান্বিত আৰু সন্মানিত অনুভৱ কৰোঁ। মোৰ দেউতা এগৰাকী স্ব-নিৰ্মিত চুপাৰষ্টাৰ আৰু এগৰাকী সুন্দৰ নাগৰিক। তেওঁৰ জীৱনৰ যাত্ৰা লাখ লাখ লোকৰ বাবে অনুপ্ৰেৰণাৰ দৰে। আমি সকলোৱে এই সন্মানৰ বাবে গৌৰৱান্বিত অনুভৱ কৰিছো।”